Në Prizren veprojnë disa institucione të arsimit të lartë privat, ndërkohë që vetëm dy prej tyre janë të akredituara nga Agjencia e Kosovës për Akreditim (AKA), shkruan sot Koha Ditore.
Zyrtarë të këtij institucioni kanë konfirmuar se ato degë të institucioneve të arsimit të lartë privat që nuk janë akredituar e që veprojnë në Prizren këtë e bëjnë në kundërshtim me ligjet në fuqi.
Sipas tyre, krahas Universitetit Publik edhe dy kolegje private janë të akredituara për të zhvilluar veprimtarinë në Prizren, në përputhje me ligjin.
“Institucionet e arsimit të lartë të akredituar nga Agjencia e Kosovës për Akreditim në Prizren janë universiteti publik i Prizrenit “Ukshin Hoti” , kolegji International” dhe Kolegji “Fama””, ka thënë Furtuna Mehmeti eksperte për vlerësim dhe akreditim në AKA.