Nesër, më datë 14 shtator, në Prizren, në Abi Çarshia, duke filluar nga ora 13:00, do të mbahet një event i hapur i organizuar nga programi EREA i Caritas-it Zviceran, në partneritet me shoqatat nacionale bujqësore Organika, Mjedra e Kosovës dhe PePeKo. Ky aktivitet synon të rrisë ndërgjegjësimin për konsumimin e produkteve vendore, si dhe të promovojë rëndësinë e mbështetjes së ekonomisë lokale.
Programi EREA (Fuqizimi i Ekonomive Rurale përmes Bujqësisë) është një program tre vjeçar i financuar nga Bashkëpunimi Austriak për Zhvillim me kontribut nga Caritas-i Zviceran, i cili synon të mbështesë zhvillimin e ekonomive rurale në rajon.
