Gjykata Themelore e Prizrenit, shpalli aktgjykimin dënues ndaj të akuzuarve me inicialet S.M. nga fshati Gllogovc, Komuna e Lipjanit, dhe B.V. nga Lipjani, për shkak të veprës penale vjedhje e rëndë në bashkëkryerje.
Të akuzuarve me inicialet S.M. dhe B.V. iu shqiptua dënimi me burgim në kohëzgjatje secilit me nga dy (2) vite burgim efektiv.
Në dënim do t’iu llogaritet edhe koha e kaluar në paraburgim prej datës 29.06.2016. Paraburgimi të njëjtëve i vazhdohet deri në plotfuqishmërinë e këtij aktgjykimi
Me datën 27.07.2015 në mes të orës 21:00 në Prizren në objektin e xhamisë së ,,Dëshmorëve dhe martirëve,, , në bashkëveprim duke thyer, kaluar apo depërtuar me forcë në hapësirat e mbyllura të xhamisë me qëllim të përvetësimit të pasurisë së luajtshme, hynë në xhaminë e lartcekur dhe me mjet të përshtatshëm hapin dy kasaforta dhe nga aty marrin 400(katërqind) euro të holla, si dhe dëmin e shkaktuar në shumën rrethë 240 (dyqin e dyzet) euro dhe largohen nga vendi i ngjarjes./PrizrenPress.com/