Festivali i muzikës në Prizren, NGOMfest, pret sonte, në natën e tretë, adhuruesit e muzikës elektronike në Kalanë e qytetit.
Përveç DJ-ve lokal dhe rajonal, si performues kryesor do të jenë tre DJ të Diynamic Music, Magdalena, Undercatt dhe Lehar.
Mbrëmja pritet të fillojë në ora 21:00, për të vazhduar deri në orët e hershme të mëngjesit.
Ky festival hapi edicionin e gjashtë me koncertin e grupit NR, të cilët shënuan 15-vjetorin dhe vijoi ditën e dytë më rok-grupin e famshëm kosovar, Jericho.
NGOMfest është festivali i muzikës dhe i aktivizimit që manifestohet në qytetin e Prizrenit.
Ka lindur si një ide origjinale e një grupi te rinjsh prizrenas të cilët në mungesë të organizimit të ngjarjeve kulturore nëpërmjet OJQ “NGO”, morën iniciativën për aktivizimin e këtij festivali.