Këngëtarja e mirënjohur shqiptare, Elina Duni, bashkë më kuartetin e saj kanë nisur turneun në Itali.
Mbrëmja e parë u mbajt dje qytetin e Barit, në Hotel Nikolaus, kurse ky turne vazhdon sot në Mestre të Italisë dhe me 27 qershor në Ravenna Festival.
Elina Duni u lind në Tiranë dhe për herë të parë u ngjitë në skenë kur ishte vetëm pesë vjeç. Në vitin 1991, Duni shpërngulet në Gjenevë të Zvicrës. Ajo është e njohur për muzikën e saj xhaz me bazë nga shumë këngë të vjetra shqiptare në nivel ndërkombëtar. Repertuari i saj ndër të tjera përmbledhë albumet “Muza e zezë”, “Matanë Malit” dhe së fundi albumin më të ri, “Dallëndyshe”.