Kryetari i kryesisë së NISMA për Kosovën, Fatmir Limaj, sot ka pritur në takim një grup prej 50 studentëve.
Të rinjtë me vetë iniciativë kanë shprehur interesimin të njihen nga afër me punën dhe planet e NISMA për Kosovë, thuhet në njoftim të Nismës.Duke u uruar mirëseardhje Limaj i falënderoj studentët për interesimin e tyre dhe i njoftoi ata për vizionin dhe punën e NISMA për Kosovë. Ai tutje duke e inkurajuar involvimin e studentëve në proceset dhe qasjen gjithëpërfshirëse e transparente të kësaj nisme, u tha studentëve se “Dyert e Nismës për Kosovën janë të hapura për çdo njeri të vullnetit të mire, që së bashku ta jetësojmë vizionin e shëndoshë për Kosovën”.
Studentët shprehën dëshirën dhe gatishmërinë e tyre për t’iu bashkuar rinisë të kësaj nisme, duke u anëtarësuar në NISMA për Kosovën, sepse sipas tyre kjo është mundësia dhe rruga e vetme drejt suksesit dhe arritjes së qëllimeve të mira të rinisë së këtij vendi, thuhet në fund të njoftimit.