Partia e Fatmir Limajt ka kërkuar zhbllokimin e situatës politike duke gjetur zgjidhje në bazë të Kushtetutës dhe duke respektuar shumicën parlamentare.
“Degët i dhanë mbështetje të fuqishme qëndrimit dhe angazhimit të Kryetarit Limaj dhe Kryesisë së NISMA-së për te gjetur zgjidhjen sa më shpejtë për formimin e institucioneve të vendit, zgjidhje kjo që reflekton shumicën parlamentare në Kuvend poashtu dhe duke respektuar vendimet e Gjykatës Kushtetuese”, thuhet në njoftimin e Partisë së Limajt.
Lexojeni të plotë njoftimin e NISMA për Kosovën
NISMA për Kosovën sot ka mbajtur mbledhjen e saj të rregullt javore me kryetarët dhe koordinatorët e këshillave të degëve nëpër komuna.
Në këtë mbledhje është diskutuar për situatën politike në vend, për qëndrimin e NISMA për Kosovën në raport me situatën aktuale politike në vend dhe për projektet e ardhshme të subjektit NISMA për Kosovën.
Kryetari i NISMA për Kosovën, z. Fatmir Limaj ka njoftuar kryetarët e këshillave të degëve të Nismës, për zhvillimet politike në vend.
Degët i dhanë mbështetje të fuqishme qëndrimit dhe angazhimit të Kryetarit Limaj dhe Kryesisë së NISMA-së për te gjetur zgjidhjen sa më shpejtë për formimin e institucioneve të vendit, zgjidhje kjo që reflekton shumicën parlamentare në Kuvend poashtu dhe duke respektuar vendimet e Gjykatës Kushtetuese.
Mbledhjen me kryetarët e këshillave të NISMËS për Kosovën nëpër komuna, e mbizotëroj debati për situatën e rëndë në vend, poashtu temë e rendit të ditës ishte edhe riorganizimi nëpër këshillat e NISMËS, me qëllim të një funksionimi sa më të mirë të projekteve të ardhshme politike, të cilat do të realizoj NISMA për Kosovën.