Në prani të shumë të rinjëve NISMA e Rinisë për Kosovën sot ka zyrtarizuar Këshillin e Nismës së Rinisë në qytetin e Prizrenit, ku janë zgjedhur strukturat e rinisë në këtë qytet, poashtu edhe kryetarin e Nismës së Rinisë për Kosovën në Prizren.
Në këtë aktivitet të pranishëm ishin edhe Kryetari i NISMA për Kosovën në Prizren, Sejdullah Hoxha dhe Kryetari i NISMA e Rinisë për Kosovën, Kreshnik Cukaj.
Kryetari i NISMA e Rinisë për Kosovën, Kreshnik Cukaj, ka kërkuar unifikimin e të gjithë të rinjëve të Prizrenit dhe gjithë Kosovës për të bërë ndryshimin e madh, ndryshim të cilin mund ta bëjmë vetëm me NISMA për Kosovën.
“NISMA për Kosovën do ta bëjë një shtet të së drejtës të bazuar në vlera dhe parime të shoqërive demokratike perëndimore”, ka thënë Cukaj.
Ndërsa Kryetari i NISMA për Kosovën në Prizren të rinjëve u ka thënë, “ne nuk jemi këtu për tu kërkuar votën, por për të kërkuar mbështetjen tuaj për të ndryshuar disa procese që duhet ndryshuar sa më shpejt në këtë vend”.
“Kjo qeveri duhet të rrëzohet sa më shpejtë në qytetin e Prizrenit, sepse pikërisht kjo është qeveria që po e mashtron popullin e vet me vite”, tha Hoxha.
Poashtu Hoxha tha se është momenti i fundit për tu bashkuar për një ndryshim të madh dhe për të zgjedhur njerëz të ndershëm për të qeverisur Prizrenin.
Ndërkaq, Kryetari i NISMA e Rinisë për Kosovën në Prizren, Behar Kryeziu, bashkëmoshatarëve të tij u tha se NISMA është krijuar për ta ndryshuar vendin, e një ndryshim të madh mund ta bëjmë ne të rinjët vetëm duke qenë të bashkuar në këto ditë të vështira të qytetit tonë. Ai tha se është e rëndë për ta menduar se si të rinjët e diplomuar sot nuk po mund të punojnë në fushën e tyre të studimit ku kanë investuar. /PrizrenPress.com/