Një vajzë e moshës 21 vjeçare është plagosur nga një plumb qorr në krah, dhe dhjetëra qytetarë kanë kërkuar ndihmë mjekësore në Klinikën Emergjente në Prishtinë, nga lëndimet e marra nga festimet për Vitin e Ri, ndërkohë që nga aksidentet në komunikacion thuhet se një person është në gjendje më të rëndë shëndetësore.
Njoftimin e ka bërë mjekja kujdestare në Emergjencë, Nergjivane Halimi, nga Qendra Klinike Universitare e Kosovës, duke shtuar se prej orës shtatë të pas ditës dhjetëra qytetarë kanë kërkuar ndihmë mjekësore.