19.8 C
Prizren
E diel, 14 Korrik, 2024

Një burrë me thikë kërcënonte kalimtarët në Oslo të Norvegjisë, vritet me armë zjarri nga policia

Një burrë raportohet se i armatosur me thikë kërcënoi kalimtarët në rrugët e kryeqytetit norvegjez, Oslo, të martën, përpara se të qëllohej për vdekje nga policia, thanë zyrtarët.

Mediat norvegjeze publikuan pamjet e sulmuesit të dyshuar, i zhveshur nga mesi lart dhe duke mbajtur një thikë.

Policia fillimisht bëri me dije se kalimtarë të rastit ishin plagosur, por më vonë tha se vetëm një polic u plagos lehtë, përcjell Telegrafi.

“Deri më tani nuk kemi asnjë informacion se kjo është e lidhur me terrorizmin”, tha shefi i lartë i policisë Egil Joergen Brekke në një konferencë shtypi.

Policia tha se një makinë patrullimi në lagjen Bislett të Oslos veriore hyri në një ndërtesë për të ndaluar “përparimin” e personit.

Më pas ai sulmoi automjetin dhe arriti të hapte derën e makinës, tha zëdhënësi i policisë Torgeir Brenden.

Ai tha se “disa të shtëna” u qëlluan në drejtim të burrit, por nuk specifikoi nëse ishin oficerët e policisë në makinë që hapën zjarr.

Brenden tha se autori u dërgua me urgjencë në një spital aty pranë ku vdiq.

“Për dijeninë time, nuk ka të lënduar të tjerë”, tha Brekke, shefi i policisë.

Ndryshe, muajin e kaluar një burrë i armatosur me një hark e shigjetë dhe një thikë vrau pesë persona në një qytet të vogël në jugperëndim të Oslos. /Telegrafi/

Më Shumë

Themelimi i Bibliotekës Kombëtare të Shqipërisë

Biblioteka Kombëtare e Shqipërisë, si institucion i parë shte­të­ror, publik e laik, mban për datë të themelimit të saj 10 korrikun e vitit 1920....

Kaplohet nga zjarri një parcelë në Rahovec (FOTO)

Një parcelë në vendin e quajtur Hamoc të Rahovecit është përfshirë mbrëmë nga zjarri. Në fotot e siguruara nga “Rahoveci n’Fokus”, shihen flakët afër vreshtave...

Lajmet e Fundit