“Kosova: një luftë vetëm sa për ta krijuar një shtet mafioz” (“Kosovo: une guerre juste pour créer un État mafieux”) quhet libri i sapobotuar për Kosovën nga autori francez, Pierre Péan, një gazetar dhe polemist, në të cilin flet sidomos rreth luftës së UÇK-së, mbi trafikun e organeve dhe Kosovën e pasluftës, madje duke e quajtur Kosovën si “një shtet mafioz”.
Sipas mediave franceze, ky autor francez nuk jep asnjë dëshmi në librin e tij të sapobotuar nga shtëpia botuese “Fayard” e Parisit, raporton agjencia e lajmeve “Presheva Jonë”.
Autori, megjithëse paraqet opinionin e tij personal mbi të “zezat” në Kosovë siç i sheh nga prizmi i tij. Ai mbron publikisht përmes librit të tij dhe mediave tjera franceze idenë e diskutueshme në disa qarqe antishqiptare mbi “trafikimin e organeve”.
I ftuari i redaktorit të TV francez Mathieu Mabin, autori i librit Péan, ka denoncuar siç shprehet ai “dështimin dhe mashtrimin e komunitetit ndërkombëtar”. Fillimisht autori i librit për Kosovën dhe UÇK-në në TV “France 24h” përmend librin e Crala Del Pontes, Bernrad Kouchner dhe Dick Martyn sipas të cilit janë personazhe kyçe mbi zbulimin e trafikut të organeve në Kosovë nga UÇK-ja.
Portali numër 1 i Francës “Linternaute” shkruan se autori ka vizituar Kosovën në vitin 2012. “Me sa duket ai vizitoi zonat konkretisht serbë të Kosovës, duke pyetur serbët e Kosovës, viktima të dhunës gjatë luftës, është e qartë që sytë e tyre nuk mund të jetë objektiv. Në fillim të konfliktit, shumica shqiptare në Kosovë, u shtypën rëndë nga autoritetet serbe të Sllobodan Millosheviqit” , ka shkruar “Linternaute”.
Autori i librit, po ashtu evokon Bernard Kushner, i cili në vitin 2010 filloi të qeshte kur një gazetar serb i tregon atij për trafikimin e organeve të mundshme.
Por në këtë pikë, Pierre Péan, thjesht dhe pa ekuivoke nuk arrin të dëshmoj asnjë element më të vogël si dëshmi, bile së paku për ta justifikuar titullin e librit të tij: “Kosova: një luftë vetëm sa për ta krijuar një shtet mafioz” Gjitha fjalëve të këtij “gazetari invistigativ” dhe librit të tij ndoshta do t’i kishim besuar sikur të mos ishte financuar ai nga qarqet serbe apo sikur të mos kishte jaran Patriarkun serb Irinej i cili takoi në Beograd së fundi në shtatorin e vitit 2012 ( shih foton poshtë), raporton agjencia e lajmeve “Presheva Jonë”.