Prokuroria Themelore në Gjakovë bën të ditur se janë ndalur në paraburgim prej 30 ditësh dy persona të cilët e kanë rrahur një person në Rahovec.
Rasti ka ndodhur para dy ditësh në vreshtat e “Stone Casle”, ku pas një mosmarrëveshjeje verbale, dy të pandehurit e kishin sulmuar fizikisht të dëmtuarin duke e goditur disa herë me grushte e shqelma në pjesë të ndryshme të trupit, duke i shkaktuar kështu lëndime në mushkëri dhe në kokë.
Viktima fillimisht ishte dërguar për trajtim në Spitalin Rajonal në Gjakovë, ndërsa më pas raportohet se i është keqësuar gjendja shëndetësore dhe me rekomandim të mjekëve u dërgua në QKUK në Prishtinë, për tretman të mëtutjeshëm.