Gjykata Themelore në Prizren ia ka caktuar masën e paraburgimit në kohëzgjatje prej 30 ditësh të dyshuarit për ushtrim të dhunës në familje.
Këtë për “Betimi për Drejtësi” e ka konfirmuar prokurori kujdestar në Prokurorinë Themelore në Prizren, Petrit Kryeziu.
Kryeziu deklaroi se ai ka parashtruar kërkesën për paraburgim, për arsye se personi i arrestuar dyshohet se pas një mosmarrëveshje ka sulmuar vëllain e tij dhe në mënyrë aksidentale edhe nënën.
Lidhur me këtë rast “Betimi për Drejtësi” ka raportuar një ditë më herët, pasi për rastin ën fjalë ka raportuar Policia e Kosovës (PK).
“Gjatë një mosmarrëveshje mes dy vëllezërve, njëri nga ta e ka lënduar viktimën femër. Viktima ka pranuar tretman mjekësor ndërsa me vendim të prokurorit njëri nga të dyshuarit dërgohet në mbajtje”, thuhej në raportin e PK-së. /BetimipërDrejtësi