Një banor i fshatit Kushnin ka dorëzuar një ari në polici të Prizrenit. Zëdhënësi i PK-së në Prizren, Hazir Berisha tha se ariu ka qenë në gjendje të keqe shëndetësore dhe i lënduar.
“Rreth orës 11:00, një qytetar i cili po shëtiste në një rrugë të fshatit Kushnin ka hasur në një ari të vogël, i cili kishte qenë i lënduar dhe në një gjendje te keqe shëndetësore”.
“Qytetari e ka marrë me vete ariun dhe e ka sjellë në Stacionin Policor në Prizren”.
“Policia e ka thirr në ndihmë veterinerin, i cili është përkujdesur për shëndetin e ariut. Më vonë janë informuar edhe zyrtarët e Ministrisë së Mjedisit dhe Planifikimit Hapësinor dhe inspektorët për mbrojtjen e faunës në parkun kombëtar “Malet e Sharrit” të cilët e kanë marrë ariun për t’i dhënë strehim dhe përkujdesje adekuate./PrizrenPress.com/