Gjykata Themelore në Prizren e ka dënuar me një vit burgim personin Z.B pasi kishte plaçkitur një shtëpi në Prizren.
Në njoftimin e Gjykatës thuhet se Z.B. në bashkëpunim me të pandehurin A.B kanë plaçkitur shtëpinë e një të moshuare, në gjendje të rëndë shëndetësore.
“Sepse me datën 22.07.2018 rrethe orës 15:30, në rrugën “Hoxhë Tasini” në Prizren, saktësisht në shtëpinë e të dëmtuarës me iniciale M.C., i pandehuri duke vepruar në bashkëkryerje me të pandehurin me iniciale A.B., me qëllim që vetit ti sjellin përfitim pasuror të kundërligjshëm, të dëmtuarës ia marrin pasurin e luajtshme, në atë mënyrë që të pandehurit duke menduar fillimisht se askush nuk gjendej në shtëpi, si dhe duke shfrytëzuar paaftësinë dhe gjendjen e rëndë e të dëmtuarës e cila është e moshës së shtyrë si dhe bashkëshortit të saj i cili është i palëvizshëm, hynë në shtëpi e tyre dhe marrin gjëra të ndryshme me vlerë, dhe pasi kuptojnë se në shtëpi gjendet e dëmtuara, menjëherë largohen nga vendi i ngjarjes”, thuhet në njoftimin e Gjykatës Themelore.