16.8 C
Prizren
E hënë, 26 Shtator, 2022

Nuk ia dërgova asnjë emër për zëvendësministra, Isa Mustafës

hanefimuharremi-ldkIsh-koordinatori i Degës së LDK-së në Prizren, Hanifi Muharremi, ka thënë se nuk ia ka dërguar zyrtarisht asnjë listë me emra për zëvendësministra liderit të LDK-së njëherësh kryeministrit të Kosovës, Isa Mustafës.

Ai thotë se listat me emra për zëvendësministra nga Prizreni është bërë në mënyrë individuale, por jo zyrtare.

“Unë si koordinator i Degës së LDK-së në Prizren, nuk kam dërguar asnjë listë me emra për zëvendësministra. Lista për zëvendësministra ka mundësi që kanë dërguar në mënyrë individuale,por zyrtarisht ju garantoj se nuk kam dërguar”, tregon Muharremi për “PrizrenPress”.

Lidhja Demokratike e Kosovës (LDK) në Prizren, ka dërguar dy lista të emrave për zëvendësministra të Qeverisë së Kosovës.

Lista e parë e të propozuarve është dërguar në dhjetor të vitit 2014, ndërkaq e dyta javën e kaluar. Në listën e parë janë propozuar pesë emra, kurse në të dytën katër emra për zëvendësministra.

Në listën e parë LDK-ja janë propozuar: Xhavit Ukaj, Hanifi Muharremi, Ridvan Hoxha, Haziz Hodaj dhe Agim Muçaj.

Kryetari i ri i Degës së LDK-së në Prizren, Haxhi Avdyli, ditë më parë ka publikuar një listë tjetër të emrave të “korrigjuar”. Në këtë janë propozuar: Xhavit Ukaj,Haziz Hodaj, Hanifi Muharremi dhe Mybera Mustafa.

Ish-koordinatori i LDK-së në Prizren, Hanifi Muharremi, thotë se pavarësisht dërgimit të listave në mënyrë individuale, valide mbetet vetëm lista e fundit.

“Lista e fundit është mbështetur nga Kryesia,prandaj normalisht që është valide”, thotë Muharremi. /PrizrenPress.com/

Më Shumë

Murati: Përkundër sfidave, ekonomia e Kosovës po tregon qëndrueshmëri

Ministri i Financave, Punës dhe Transfereve Hekuran Murati, tha se përkundër sfidave të vazhdueshme globale, ekonomia e vendit tonë po tregon qëndrueshmëri të jashtëzakonshme...

Lirohet nafta, jo edhe benzina

Ministria e Industrisë, Ndërmarrësisë dhe Tregtisë (MINT), respektivisht Departamenti për Rregullimin e Tregut të Naftës, ka publikuar çmimet e produkteve të naftës për 24...

Kolona e pestë

Lajmet e Fundit