Një nxënës i shkollës fillore “Dëshmorët e Grejkocit” në Grejkoc të Suharekës është kapur nga policia me armë në brez.
“Rreth orës 11:30 minuta, policia në Suharekë, ka pranuar një informatë përmes rrugëve operative e cila bënte me dije se një nxënës i klasës së VIII, i shkollës fillore në fshatin Grejkoc, në çantën e tij posedon një pistoletë. Hetues policorë kanë shkuar në Shkollën Fillore “Dëshmorët e Grejkocit” dhe në marrëveshje me Drejtorin e shkollës kanë identifikuar nxënësin e armatosur dhe nga ai kanë sekuestruar një pistoletë të llojit “SCHMIT ASTRAIHE MOD-S-5 e kalibrit 8 mm”, njoftoi zëdhënësi i PK-së në Prizren, Hazir Berisha.
“Lidhur me gjetjet në shkollë është informuar prokurori i shtetit i cili ka sugjeruar që rasti t’i kalojë prokurorisë sipas procedurës së rregullt”
“Drejtoria Rajonale e Policisë në Prizren edhe një herë bën apel tek prindërit që të shtojnë kontrollin ndaj fëmijëve të tyre”/PrizrenPress.com/