Ilir Deda nga Lëvizjes Vetëvendosje ka thënë se opozita e bashkuar pritet të dal me një listë të përbashkët për zgjedhjet e ardhshme parlamentare.
Ai në Info Magazine të Klan Kosovës ka deklaruar se një listë e përbashkët opozitare do të fitonte bindshëm, por nëse kjo nuk bëhet do të ishte gabim i madh.
“Unë jam ithtar tash e sa vite për një listë të përbashkët, ajo çfarë është e rëndësishme është që partitë opozitare dhe njerëz, aktivistë të shoqërisë civile dhe aktivistë politikë janë dukë rënë dakord për themelimin e një liste të përbashkët që do të fitonin zgjedhjet e ardhshme në 2016”, ka thënë Deda në Info Magazine.
“Nëse nuk dalim me një listë të përbashkët, me një front të përbashkët atëherë nuk e di pse po merremi me politikë. Pse të dalim në zgjedhje të reja të përçarë dhe të fitoj prapë PDK-ja”.
“Opozita e bashkuar, lista e përbashkët opozitare do të fitojë zgjedhjet e ardhshme”.