13.8 C
Prizren
E shtunë, 2 Mars, 2024

Osmani: LDK-ja do t’i japë fund Kilajve dhe Kiliqave në Malishevë

LDK malishevLDK-ja në Malishevë ka mbajtur  tubim elektoral me banorët e Turjakës.Të pranishëm në këtë tubim ishin anëtari i Kryesisë Qendrore dhe deputeteti i Kuvendit të Kosovës nga radhët  Naser Osmani, deputeti Hashim Deshishku, kryetari i Degës Januz Kastrati si dhe kandidati për Kryetar Komune Salih Morina.

Të pranishmit i përshëndeti Kryetari Degës Januz Kastrati. Ai tha se ndihet shumë mirë në mesin e bashkëvendasëve të tij, të cilët ishin të shumtë në numër.

Kastrati theksoi se LDK-ja në Malishevë ka kandidatin më të mirë për kryetar të Komunës nga të gjithë të tjerët, që është Salih Morina. “Me Salih Morinën, Malisheva do të ndërrojë kahëjen e rrugës së vet drejtë zhvillimit ekonomik, uljes së papunësisë, arsimit cilësorë, shëndetësisë efikase dhe jetës më të mirë për të gjithë”, tha Kastrati

Ai mohoi se LDK-ja ka marrëveshje me subjektet e tjera politike. “Zërat që po shpërndahen kinse LDK-ja ka marrveshje me ndonjë subjekt tjetër politikë janë gënjeshtra të kulluara dhe me motive të ulta politke. Ne i kemi hyrë garës të vetëm dhe jemi të sigurtë se me 3 nëntor Salih Morina do jetë kryetar i Komunës së Malishevës pa balotazh”,  tha Kastrati.Anëtari i Kryesisë Qendërore dhe deputet i LDK-së në Parlamentin e Kosovës, Naser Osmani  tha se  në Malishevë ka ardhur për t’i dhënë përkrahëje kandidatit Salih Morina.

“Kjo qeverisje komunale ka qenë degradim i institucioneve dhe jetës së qytetarëve në përgjithësi, prandaj jemi këtu që t’i themi stop Kilajve dhe Kiliqave, sepse Salih Morina do të jetë kryetar komune me 3 nëntor”, tha Osmani.
Kandidati për kryetar të  Komunës, Salih Morina tha ndërka se ka ardhur koha e ndryshimeve në Malishevë. “Ka ardhë koha për ndryshime dhe ky ndryshim jam unë” tha Morina .

Ai u shpreh i bindur se LDK-ja në këto zgjedhje futet për t’i fituar ato pa balotazh. “Ne jemi shumë më të mirë se të tjerët,  sepse jemi vazhdues të filozofisë politike të presidentit historik doktor Ibrahim Rugova”./PrizrenPress.com/

Më Shumë

Deklarohet këshilltari i MPJD-së që u sulmua fizikisht: Kam lëndime të mëdha në syrin e majtë

Këshilltari në Ministrinë e Jashtme dhe Diasporës, Çerim Bajrami, është sulmuar fizikisht nga një person pasditen e së enjtes, me ç’rast ka pësuar edhe...

Pezullim dhe gjobë për Ronaldon pasi ofendoi tifozët në Arabine Saudite

Cristiano Ronaldo është dënuar me një ndeshje pezullim dhe është gjobitur për një gjest të supozuar ofendues ndaj tifozëve. Legjenda e Manchester United dhe Real...

Lajmet e Fundit