Komuna e Prizrenit nuk e sheh shqetësuese çështjen e pagesës në llogaritë personale të punëtorëve të Drejtorisë së Urbanizmit, në rastet kur ata janë pjesë e Komisionit për kontroll teknik të objekteve të ndërtimit.
Drejtori i Urbanizmit, Sadik Paçarizi, insiston se kjo praktikë është e përkufizuar me ligj e akte nënligjore dhe se nuk ka asgjë kontestuese. “Kontrolli dhe pranimi teknik i objekteve gjithnjë ka qenë i rregulluar me ligj dhe me udhëzim administrativ të MMPH-së. Honorarët për pranimet teknike derdhen në xhirollogaritë private, por komisioni caktohet i pavarur anipse në të ka punëtorë të DUPH-së dhe puna kryhet jashtë orarit të punës…”, tha Paçarizi për Koha Ditore.
Javë më parë këshilltari i LDK-së, Ridvan Hoxha, ka kritikuar Komunën e Prizrenit për zbatimin e kësaj praktike duke iu referuar ligjeve të ish-Jugosllavisë./PrizrenPress.com/