Zëvendëskryeministri i parë, Behgjet Pacolli e ka vlerësuar lartë aktin moral të dorëheqjes së rektorit të Universitetit të Prishtinës “Hasan Prishtina”, Ibrahim Gashi.“Dorëheqja e tij duhet të shërbejë si pikënisje për një hetim sa më të shpejtë të gjithë profesorëve në UP, dhe të mos ngelet z. Gashi kurban i aferave të jashtëligjshme në këtë institucion të rëndësishëm. Dorëheqja e z. Gashi ka qenë e nevojshme pas zhvillimeve dramatike që ndodhën para rektoratit të UP-së ndërsa, është për keqardhje çdo tendencë manipulimi të studentëve nga individë kushdo qofshin ata për qëllime krejtësisht private”, ka shkruar në rrjetin social “Facebook”, Pacolli.