Në Essen të Gjermanisë, Komuna e Prizrenit mori pjesë për herë të parë në panairin e turizmit “Reise + Camping” si komunë partnere e Panairit të Essen-it.
Asociation “Loyola–Gymnasium” shpall konkurs për regjistrimin e nxënësve të rinj
Sipas një statusi në rrjetin social në Facebook të Komunës së Prizrenit bëhet e ditur se Prizreni ishte në mesin e 800 përfaqësuesve, nga 16 vende të botës, ku u prezantuan ofertat turistike dhe produktet vendore të shteteve të ndryshme të Botës.
“Nënkryetari Kujtim Gashi dhe zëdhënësja e kabinetit të Kryetarit Jona Hoxhaj, ishin pjesëmarrës dhe morrën pjesë edhe në hapjen solemne të panairit ku takuan drejtorin gjeneral Kuhrt i cili u zotua për vazhdimin e bashkëpunimit me Prizrenin. Gjatë ceremonisë së hapjes, ku u bë prezantimi i bashkëpunimeve mes panairit dhe vendeve kryesore pjesëmarrëse në panair, Prizreni u prezantua nga z. Kuhrt, si destinacion potencial për turizëm kulturor e malor”, thuhet në njoftim.
Po ashtu bëhet e ditur se gjatë pesë ditëve në këtë panair, shtandi i Prizrenit ishte ndër më të vizituarit.
“Në këtë panair, përfaqësuesit e Prizrenit poashtu takuan dhe kryetarin e qytetit të Essenit z. Thomas Kufen, i cili shprehu entuziazmin për pjesëmarrjen e Prizrenit për herë të parë në panairin e Essenit. Gjatë 5 ditëve në panair, shtandi i Prizrenit ishte ndër më të vizituarit, afër 2500 njerëz që ndaluan për të kërkuar informacione dhe poashtu produktet e Kosovës ishin ndër më të pëlqyerat”, thuhet ndër të tjera në njoftim.
Në njoftim bëhet e ditur se Prizreni u prezantua dinjitetshëm në Essen të Gjermanisë.
“Prandaj urojmë që shumë vizitorë nga Gjermania e Evropa do ta vizitojnë Prizrenin në verën e vitit 2024”.