19.8 C
Prizren
E diel, 16 Qershor, 2024

Kurti i quan Rugovën, Demaçin e Thaçin personalitete historike: U jam mirënjohës dhe e respektoj kontributin e tyre për Kosovën

Kryeministri i Kosovës, Albin Kurti, e ka quajtur personalitet historik ish-presidentin e vendit, Hashim Thaçi, politikat e së cilit i ka kundërshtuar ashpër gjithnjë kur ka qenë në opozitë.

Në një intervistë për revistën “Shenja”, Kurti është pyetur për të komentuar figurën e Thaçit, atë të veprimtarit Adem Demaçi dhe të ish-presidentit tjetër, Ibrahim Rugova.

“E para, çfarë i bashkon këto tre figura dhe, e dyta, ku mendoni se ata kanë gabuar në procesin e shtetndërtimit të Kosovës?”, ishte pyetja e cila i është parashtruar kreut të ekzekutivit kosovar.

Ai nuk ka pranuar të komentojë apo të bëjë kritika ndaj siç i ka quajtur, personaliteteve historike, pasi me këtë gjë ka thënë se merren historianët.

“Në këtë kohë festimesh e përvjetorësh jubilarë, këto tre figura duhen kujtuar me respekt për kontributet e tyre të cilat kanë qenë sidoqoftë thelbësisht të ndryshme, edhe pse në të njëjtin drejtim: atë të pavarësisë së Kosovës. Pikërisht kjo është gjëja që i bashkon këto tre figura të ndryshme nga njëra-tjetra”, ka deklaruar Kurti.

Ai tutje është shprehur se e ka për detyrë që t’i respektojë dhe t’u jetë mirënjohës secilit për kontributin që ka dhënë për Kosovën.

“Nuk më lejohet mua si kryeministër i të gjithë qytetarëve të Kosovës të komentoj apo të bëj kritika ndaj personaliteteve historike, në kuadër të kontributeve të tyre për Kosovën. Le të merren me këtë gjë historianët. Unë e kam për detyrë t´i respektoj e t´u jem mirënjohës që secili ka dhënë aq sa ka ditur e mundur”, ka thënë Kurti.

Intervistën e plotë e gjeni këtu. /Telegrafi/

Më Shumë

Hera e parë që do të luajnë në garat evropiane, Malisheva nis përgatitjet për sezonin e ri

Malisheva ka përfunduar një sezon historik atë 2023/24 ku e përfundoi në pozitën e katërt në tabelë. Kjo pozitë i mjaftoi malishevasve që të kapin...

25 vjet nga ndalja e bombardimeve të NATO-s ndaj forcave serbe

Sekretari i përgjithshëm i NATO-s, Javier Solana, më 10 qershor 1999 ka lëshuar urdhrin për ndalimin e bombardimit në Kosovë, pas 78 ditësh, kurse...

Lajmet e Fundit