Bashkimi Demokratik në Prizren i Zafir Berishës mbështet fuqishëm koalicionin LDK, AAK, dhe VV. Drejtuesit e këtij subjekti politik në mbledhjen e sotëm kanë kërkuar nga ky koalicion që të mos lëshjë pe në formimin e Qeverisë së Kosovës.
“BD-ja mbështet fuqishëm koalicionin pas zgjedhor LDK, AAK, Nisma për Kosovë dhe VV, në ndërtimin e institucioneve te vendit, fillimisht për zgjedhjen e Kryetarit te Kuvendit e më pastaj edhe të Qeverisë së Kosovës”, thuhet në komunikatën e BD-së në Prizren.
“Ky koalicion ka shumicën e madhe të deputeteve dhe numrin e nevojshëm të votave për t’i formuar institucionet e reja konform rezultatit zgjedhor, të zgjedhjeve të 8 qershorit 2014 dhe përfundimisht të tejkaloi bllokimin e qëllimshëm të PDK – së”.
“Seanca e Kuvendit të Kosovës e datës 18 shtator 2014 përfundimisht e bëri të qartë edhe për vetë krerët e PDK – së se është e kotë të vazhdohet me veprime bllokues dhe shtyrjen e pakuptimtë të vazhdimit të seancës konstituive ngase nuk do te arrijnë t’i sigurojnë votat e nevojshme për ta zgjedhur Kryetarin e Kuvendit, duhet qetësisht, ashtu siç bëjnë partitë e përgjegjshme, të shkojnë në opozitë”
“Votat sigurohen në kuvend, përmes marrëveshjeve politike dhe koalicioneve para dhe pas zgjedhore, jo ne gjykata. Është obligim kushtetues i deputeteve në të gjitha rastet, të ushtrojnë mandatin e tyre dhe të ofrojnë zgjidhje për sfidat në të cilat mund të kalojë vendi, shumë herë më të rënda se kjo situatë juridike – politike bllokuese, tek e fundit mos zgjedhja aktualisht e Kryetarit të Kuvendit është rezultat i kulturës bllokuese të PDK – së, tentimit që me forcë dhe kapadaillëk të mbahet pushteti”.
“Edhe Vendimi i Gjykatës Kushtetuese pika 126 dhe 127 i obligon deputetet ( jo partitë politike) që të gjejnë zgjidhje dhe të tejkalohet kjo gjendje e krijuar në Kuvendin e Kosovës”.
“Me formimin e institucioneve të reja vendimmarrëse – qeverisëse në nivel vendi, pritshmëria e qytetarëve janë të mëdha, sidomos në zhvillimin ekonomik, punësim, forcimin e shtetit ligjor, arsim, shëndetësi, integrime evropiane, etj”.
“Bashkimi Demokratik në partneritet me Nisma për Kosovën, me të drejtë synon të bëhet pjesë e vendimmarrjes në nivel vendi, të jetë përfaqësues i interesimeve të qytetarëve të Kosovës dhe të Prizrenit, e mbi të gjitha të kontribuojë në ndërtimin dhe fuqizimin e Kosovës si shtet demokratik dhe të zhvilluar ekonomikisht”. /PrizrenPress.com/