Në kuadër të shënimit të Ditës Botërore të Mjedisit, Komuna e Prizrenit sot në bashkëpunim me Ministrinë e Ambientit dhe organizatën Let’s do it Kosova organizuan aktivitetin e pastrimit të bregut të liqenit të Vërmicës, transmeton PrizrenPress.
Në këtë organizim morën pjesë edhe organizata, institucione dhe shoqata të ndryshme si: Forcat e Sigurisë së Kosovës, Kompania rajonale për pastrim Ekoregjioni, Kompania shërbyes për pastrim EING, Policia e Kosovës – vija e gjelbër, Kryqi i Kuq i Kosovës, OJQ X40, Lidhja e Vëzhguesve Rinia e Kosovës, Federata dhe shoqata e peshkatarëve “Drini i Bardhë”, Arasta, ECD dhe Përfaqësues dhe vullnetarë nga fshati Vërmicë.
Nga ky aksion u mblodhën rreth 500 thase të mbushura me mbeturina, nëpërmjet vullnetarëve të shumtë që u bashkëngjitën.
Me këtë rast, kryetari i Komunës së Prizrenit, Mytaher Haskuka, i cili po ashtu mori pjesë në këtë aktivitet, bëri thirrje tek qytetarët që krahas pastrimi të ketë kujdes të shtuar edhe në ruajtjen dhe mosndotjen e ambientit./PrizrenPress.com