Kompania “Ekoregjioni” , ka pastruar Prevallën.
Kryetari i Prizrenit, Mytaher Haskuka, kërkon nga vizitorët që të kujdesen për pastërtin e Prevallës.
Postimi në Facebook
Prevalla është një prej zonave më të frekuentuara dhe më të preferuara të turzmit malor, për shkak të bukurive natyrore dhe ambientit të përshtatshëm për pushim.
Por, bukuritë e saja natyrore kanë mbetur nën hije pas festës së “1 Majit”, për shkak të mbeturinave të shumta të hedhura anembanë nga vizitorë të papërgjegjshëm, të cilët e kishin zgjedhur Prevallën për ta kremtuar këtë festë.
Kompania rajonale e pastrimit “Ekoregjioni” tashmë e ka bërë punën e saj duke e pastruar këtë zonë dhe duke ia kthyer bukurinë Prevallës, por megjithatë problemi vazhdon të qëndrojë, për shkak të mungesës së vetëdijësimit qytetar për ruajtjen e ambientit dhe për këtë na duhet një angazhim i përbashkët që ta përmirësojmë këtë gjendje.