Dega e PDK-së në Prizren ka dërguar një e-mail me anë të cilit lajmëron nisjen e simpatizantëve për festë në Prishtinë.
Prizrenit, sipas tyre, përherë do ta dëshmojë fuqishëm mbështetjen për Thaçin dhe thonë se Festa do të jetë më festive se protesta.
Ky është e-maili i plotë i dërguar nga PDK – Prizren:
Demokratët Festojnë!
Njoftim në emër të degës së PDK-së në Prizren:
Njoftohen të gjithë Anëtarët dhe Simpatizantët e Partisë Demokratike të Kosovës në Prizren, se nesër me datë 26.02.2016, nga ora 9:00, nga parkingu i 4 Kullave në Bazhdarhane, bëhet nisja me autobusë në mënyrë të organizuar, për të shkuar bashkarisht në Prishtinë, dhe për të festuar zgjedhjen e Kryetarit të PDK-së, z.Hashim Thaçi, për President të Republikës së Kosovës.
Prizreni përherë do ta dëshmoj fuqishëm mbështetjen për Ju!
Festa do të jetë më festive se protesta.
Urime dhe Suksese PRESIDENT!