Partia e kryeministri Hashim Thaçi, PDK, arriti t’i ndajë, jo në dysh por në copëza të vogla ish-veteranët e Ushtrisë Çlirimtare të Kosovës (OVLUÇK). Shumica prej këtyre të fundit, për 15 vjet janë munduar ta fshehin ambicien politike, mirëpo të premten kjo doli sheshit.
Sekretari i Organizatës së Vlerave të Luftës, Faton Klinaku nënshkroi një Memorandum Bashkëpunimit me kryetarin e Partisë Demokratike të Kosovës, Hashim Thaçi, duke shpresuar se PDK-ja do t’i fitojë zgjedhjet. Pas këtij memorandumi, reaguan veteranët të tjerë të zonave të UÇK-së, duke i thënë se ky memorandum është jo valid.
Mirëpo, për kryetarin e PDK-së, Hashim Thaçi ky Memorandum garanton bashkëpunim të përhershëm të PDK-së me OVL-në e UÇK-së./zëri/