Dikur e vizitonte shpesh Prizrenin. Sidomos gjatë fushatave zgjedhore. Mirëpo, Hashim Thaçi, kryetari i PDK-së, ka kohë që nuk është parë në këtë qytet, të cilin vazhdimisht e lavdëron për vlerat që ka dhe ku pushtetin e ka partia e tij.
Mirëpo, ka burime që thonë se kreu i PDK-së nuk është parë këtu që nga fushata e zgjedhjeve të fundit, në fund të pranverës së vitit të kaluar. Mungesën e tij fizike, e madje edhe rrallimin e komunikimit, e kanë konfirmuar edhe drejtuesit e Degës së kësaj partie në këtë qytet. Thaçi, i cili mban pozitën e zëvendëskryeministrit të vendit dhe atë të ministrit të Jashtëm, jo që nuk ka ardhur hiç që nga zgjedhjet e 8 qershorit, por ai po del se në këto raste nuk është takuar as me kreun e Degës, Minir Krasniqin./Zëri/