Subjektet opozitare që veprojnë në Malishevë kanë kritikuar kreun e Komunës, Ragip Begaj, për mospërmbushje as për së afërmi të premtimeve të dhëna gjatë fushatës zgjedhore.
Sipas tyre, shkalla e realizimit nuk është as dhjetë për qind e asaj që kryetari u ka premtuar banorëve, sidomos në punësim, realizim të projekteve të infrastrukturës, transparencë si dhe stimulim të hapjes së bizneseve të reja, për çka ata e konsiderojnë si fillim të një qeverisjeje të dështuar.
Deklarimet e tilla të opozitës, ndërkaq i ka hedhur poshtë si të pabaza Begaj, duke thënë se që në vitin e parë ka rrumbullakuar rreth 80 për qind të asaj për çfarë edhe ka marrë besimin, ndërsa ka shpresë se deri në fund të këtij viti do t’i realizojë premtimet e bëra. Viti i parë i punës së kryetarit malishevas, Begaj, që këtë post e ka marrë në fund të vitit 2013 në zgjedhjet lokale është interpretuar ndryshe nga opozita dhe pushteti i këtushëm/Zëri/