Prof.dr. Sabahajdin Cena
(Pjesë nga ditari “Kronikë nëpër stuhi” )
29 maj
Në ditën e sotme të vitit 1998, instruktori ushtarak Bekim Berisha i njohur si ABE-ja, gjendej në Junik. Këtë rrugë e mori për t’u riarmatosur, por rrugën nuk e bëri kot. Mori pjesë në luftimet e përgjakshme në Junik. Po në këtë ditë, forcat policore sulmojnë Deçanin. Në onjektiv kishin pozicionet e Ushtrisë Çlirimtare të Kosovës te Fabrika e Drurit në drejtim të “Urës së Pozharit”.
Këtu përjetësohet Nagip Muharrem Cacaj i Deçanit. Në Qarrabreg të Deçanit përjetësohet Muharrem Rrustem Lataj, i Qarrabregut të Epërm. ndërsa në fshatrat e Lugut të Baranit, policia vret të riun Ekrem Binakajn nga Peja. Luftimet zhvillohen edhe në Gllavicë të Vranocit e te “Ura e Pazharit”.
Këtu përjetësohet Adnan Adem Berisha i Pazharit e gjatë luftimeve në Brovinë përjatësohet Halit Asllan Asllani e në Lloçan të Deçanit, Skënder Rexhë Kasumaj dhe Tafil Brahim Kasumaj, të dytë nga Lloçani. Në Strellc të Epërm përjetësohet Arif Mahmutdemaj, i Strellcit të Epërm e në Komaran ra luftëtari Sami Feriz Bogiqi, i Komaranit.
Po në këtë ditë, por të vitit 1999, në Romajë të Hasit, ndërron jetë luftëtari Manush Ahmet Berisha, i plagosur rëndë në Betejën e Mileskës. Edhe në fshatin Pirç të Vushtrrisë ka luftime dhe përjetësohet Adan Sadik Shyti i Ashlanit të Vushtrrisë, ndërsa gjatë luftimeve përjetësohet edhe Ibrahim Sejdi Fejzullahu i fshatit Gospanicë të Preshevës.
LAVDI TË GJITHË TË RËNËVE NË ALATARIN E LIRISË!