Me nderime, në 17. vjetorin e rënies, janë përkujtuar dëshmorët e kombit, Beamir Memaj dhe Nexhat Fanaj.Të pranishëm në varrezat e dëshmorëve në Landovicë ku prehën të qetë dëshmorët , Beamir Memaj, Nexhat Fanaj dhe Ajdin Rrahmanaj, ishin të pranishëm familjarë të tyre, miq, invalid e veteran të luftës , drejtues të degës së OVL të UÇK-së dhe nënkryetari i komunës, Lulzim Kabashi. Lidhur me përkujtimin e këtyre dy dëshmorëve, nënkryetari Kabashi, tha se se UÇK-ja ishte dhe mbetet krenaria e kombit, pasi që nga radhët e saj u flijuan bijtë dhe bijat më të mira në mesin e të cilëve radhiten edhe tre dëshmorët të cilët po i përkujtojmë sot me krenari.
Ish ushtarku i lartë i UÇK-së,aktualisht këshilltar në Kuvendin e Prizrenit, Alush Shala, tha se në këtë ditë kur përkujtojmë bashkëluftëtarët e rënë që u bënë themel i lirisë së vendit tonë, institucionet tona theksoi ai, janë duke bërë shumë pak për jetësimin e amanetit të të rënëve për liri. Ndërkaq,motra e dëshmorit Nexhat Fanaj, Milidija, dhe gruaja e xhaxhait të dëshmorit Beamir Memaj, me lot në sy thanë se në këtë përvjetor kanë dhimbje shpirtërore përplot mall por ndjehen edhe krenare për veprat e të afërmve të tyre që sot Kosova të jetë e lirë.
Gjithashtu sot janë bërë homazhe edhe në varrin e dëshmorit, Ajdin Rrahmanaj, i cili kishte rënë në altarin e lirisë me 14.05.1999.Dëshmorët, Beamir Memaj dhe Nexhat Fanaj, kanë rënë heroikisht me 28.07.1998 në luftimet me forcat armike në malin e fshatit Buçe të Dragashit, gjatë tentimit për të futur armatim në Kosovë nga Shqipëria…./TV Prizreni/