22.8 C
Prizren
E shtunë, 15 Qershor, 2024

Përkujtohet “Epopeja Gorozhupit”

Sot, u  përkujtua 25-vjetori i operacionit “Shigjeta”, organizuar nga Brigada 128 e Zonës Operative të Pashtrikut.

Në Gorozhup, i rrethuar nga malet e Pashtrikut, nisi operacioni luftarak “Shigjeta” me qëllim rrëzimin e kufirit ndërshqiptar, i kontrolluar nga okupatori serb.

Në përkujtim të kësaj ngjarjeje, të premten u mblodhën ish-eprorë dhe veteranë të UÇK-së, familjarë të dëshmorëve, qytetarë dhe zyrtarë të institucioneve.

Ministri i FSK-së, Ejup Maqedonci, tha se 25 vite pas këtij operacioni, Ushtria e Kosovës është zhvilluar si një forcë profesionale, e gatshme për të mbrojtur territorin dhe sovranitetin e vendit.

Zv/komandanti i operacionit “Shigjeta”, Spiro Butka, vuri në dukje se UÇK-ja theu mitin e pamposhtjes së serbëve, pavarësisht se ishte një ushtri e vogël, por me shpirt të madh.

Fjalë përkujtimi mbajtën edhe sekretari i OVL të UÇK-së në Prizren, Isa Berisha, dhe drejtoresha për Emergjencë dhe Siguri në Komunën e Prizrenit, Ramize Sinanaj-Shala, të cilët theksuan se sakrifica e luftëtarëve dhe gjaku i dëshmorëve sollën lirinë e shumëpritur.

Në “Epopenë e Gorozhupit” të vitit 1999, 16 dëshmorë të Brigadës 128 ranë në altarin e lirisë, ndërsa dhjetëra të tjerë u plagosën, duke vulosur me gjakun e tyre lirinë e Kosovës.tv prizreni

Më Shumë

Shpallet konkursi për regjistrimin e nxënësve në Shkollën e Muzikës “Lorenc Antoni” në Prizren

Shkolla e Muzikës “Lorenc Antoni” në Prizren ka shpallur konkursin për regjistrimin e nxënësve të rinj për vitin shkollor 2024/2025. Të gjithë nxënësit që kanë...

‘Natën e mirë’ nga Elita 5, kënga që rikthen në skenë grupin ikonik shqiptar

Pak javë më parë, grupi ikonik shqiptar, ka publikuar këngën e tyre më të re ‘Natën e mirë’, këngë kjo e cila vjen pas...

Lajmet e Fundit