10.3 C
Prizren
E shtunë, 1 Nëntor, 2025

Përkujtohet në 26 vjetorin e rënies heroike të dëshmorit, Anif Muji

Me një manifestim përkujtimor në oborrin e shkollës në Struzhë, u nderua jeta dhe vepra e dëshmorit Anif Muji, në 26-vjetorin e rënies së tij në altarin e lirisë.

Pjesëmarrës në këtë ngjarje përkujtimore ishin familjarë të dëshmorëve, veteranë dhe invalidë të luftës, nxënës dhe qytetarë të tjerë.

Gjatë këtij manifestimi, para të pranishmëve foli nënkryetari i komunës, Kujtim Gashi, i cili theksoi se sot po përkujtojmë një prej dëshmorëve të Prizrenit, një djalë trim që flijoi jetën për lirinë e Kosovës.

Kryetari i degës së OVL të UÇK-së në Prizren, Isa Berisha, gjithashtu vlerësoi lartë sakrificën sublime të dëshmorit Anif Muji për lirinë e Kosovës.

Në emër të banorëve të Struzhës, foli Fidan Axhillari.

Ai theksoi se dëshmori Anif Muji ishte një njeri me virtyte të larta njerëzore dhe atdhetare, i cili dha jetën që Kosova të jetë e lirë. Ndërsa djali i dëshmorit, Eduarti, shprehu se kjo ditë nuk është vetëm përvjetori i ndarjes së babait nga jeta, por edhe një moment për të kujtuar sakrificën dhe vlerat që e bënë atë një hero për atdheun.

Për të gjithë të pranishmit, manifestimi u shoqërua me një program artistik nga nxënësit dhe këngë nga Qershore Tafallari./tv prizreni/

Më Shumë

Fatmir Limaj takon ekipin e NISMA-s në Prizren: Fokus në idetë e reja

Kryetari i Nismës Socialdemokrate, Fatmir Limaj, këtë fundjavë, zhvilloi një takim miqësor me ekipin e partisë në Prizren. Takimi u mbajt në një ambient të...

Artan Abrashi takohet me elektoratin e Hasit, kërkon besimin për kryetar të Prizrenit

Kandidati i Lëvizjes Vetëvendosje për kryetar të Prizrenit, Artan Abrashi, ka zhvilluar sot takime me elektoratin në zonën e Hasit. Kliko videon:https://www.facebook.com/reel/1151855210347371 Ai u prit me...

Lajmet e Fundit