17.6 C
Prizren
E hënë, 15 Shtator, 2025

Përleshje masive në një aeroplan: 15 gra godasin egërsisht njëra-tjetrën në El Salvador

Një fluturim nga El Salvador në Sao Paulo të Brazilit u shndërrua në kaos pasi shpërtheu një përleshje masive mes 15 grave që godisnin njëra-tjetrën dhe bërtisnin para pasagjerëve të tjerë të habitur.

Pamjet nga aeroplani tregojnë gratë duke u tërhequr për flokë ndërsa ekuipazhi përpiqet t’i ndajë ato. Në një moment përleshja u bë aq agresive saqë njërës prej femrave i është grisur këmisha dhe ajo është detyruar të mbulojë gjoksin me duar.

Përleshja thuhet se u shkaktua rreth një ulëseje në aeroplan. Në fakt, një nënë pyeti një pasagjer nëse mund ta ndërronte vendin me fëmijën e saj, i cili ka nevoja të veçanta. Por kur kërkesa e saj u refuzua, ajo u zemërua dhe filloi ta sulmonte atë.

 

Debati u përshkallëzua shpejt dhe përfundoi në një sherr masiv mes dy grupeve të grave.

Pamjet tronditëse tregojnë gruan me flokë kaçurrela duke u përpjekur të hidhet në ulësen pas saj për të arritur një pasagjer tjetër. Për fat të mirë, stjuardesa e ndaloi atë për ta bërë këtë.

Në pak sekonda, një tjetër pasagjer i bërtet dhe hidhet drejt një gruaje, duke e tërhequr nga flokët dhe e godet vazhdimisht me shuplakë. Në të njëjtën kohë, një grua tjetër i tërheq flokët, e cila shpejt e kupton se ajo ka mbetur pa reçipeta.

Përleshja shpërtheu ndërsa pasagjerët prisnin të ngriheshin nga aeroporti Bahia dhe stjuardesat arritën t’i largonin 15 pasagjerët nga aeroplani, i cili përfundimisht u ngrit me pothuajse dy orë vonesë. /Telegrafi/

Më Shumë

Komuna e Dragashit mbulon shpenzimet e energjisë elektrike për pompat e ujit në fshatra

Komuna e Dragashit njofton qytetarët se nga data 01.08.2025 ka nisur mbulimi i shpenzimeve të energjisë elektrike për pompat e ujit në të gjitha...

Hidhet shorti i Superligës së Femrave, Bashkimi përballet me United në javën e parë

Në zyrat e Federatës së Basketbollit të Kosovës (FBK) është hedhur shorti për edicionin e ri 2025/26 të Superligës së Femrave. Kampioni aktual, Bashkimi i...

Lajmet e Fundit