18.8 C
Prizren
E diel, 14 Korrik, 2024

Përleshje mes nxënësve në një shkollë fillore në Prizren, 15-vjeçari ther me thikë shokun e klasës

Rrahjet e përleshjet mes nxënësve në shkollat fillore e të mesme janë shumë të shpeshta. Drejtoritë shpesh detyrohen të kërkojnë ndihmën e Policisë për të intervenuar në incidente të tilla që ndodhin brenda hapësirave të shkollave. Një rast i tillë dyshohet se ka ndodhur sot në Prizren, ku dy nxënës të një shkolle fillore janë përfshirë në përleshje, raporton Gazeta Sinjali.

Ngjarja dyshohet të ketë ndodhur në shkollën fillore “Motrat Qiriazi”, ku pas një mosmarrëveshje një nxënës 15-vjeçar ka therur me thikë shokun e klasës, duke i shkaktuar lëndime trupore, për çka viktima ka kërkuar ndihmë mjekësore në spital.

Burimet nga Prokuroria kanë bërë me dije se rasti u denoncua nga drejtoria në Polici, me ç’rast i dyshuari është shoqëruar në stacion policor për intervistim, ku ka dhënë deklaratën e tij për motivin e rrahjes.

Sinjali mëson se sulmi dyshohet se ndodhi për shkak të një konflikti të mëhershëm që i dyshuari ka pasur me viktimën, me të cilin vendosi që t’i qërojë hesapet sot brenda hapësirave të shkollës.

Pas përfundimit të procedurave policore, me urdhër të Prokurorit të Shtetit, ndaj të dyshuarit është iniciuar rasti ‘Lëndim i lehtë trupor”.

Kujtojmë se rastet e tilla janë kthyer në shqetësim edhe për prindërit, për shkak të sigurisë në institucionet arsimore.

Më Shumë

Rahoveci mirëpret mërgimtarët, u ofron parkim pa pagesë në oborrin e Komunës

Kryetari i Komunës së Rahovecit, Smajl Latifi, ka marrë vendim që parkimi i automjeteve të mërgimtarëve të lejohet edhe brenda oborrit të administratës komunale,...

Gjergj Basta, gjenerali shqiptar që tronditi Evropën në mesjetë

Gjergj Basta, është një nga figurat më të njohura të praktikës ushtarake evropiane të fillimit të Rilindjes, nga ku kishte mbetur një emër i...

Lajmet e Fundit