Gjykata Themelore në Suharekë ka përuruar hapësirat e reja të punës. Në përurim kanë marrë pjesë zyrtarë të gjykatave, organizatës amerikane USAID dhe Ambasadës norvegjeze, që mundësuan realizimin e rehabilitimit të këtij objekti.
Gjykata Themelore në Suharekë, funksionon si degë e asaj në Prizren.
Kryetar i Gjykatës Themelore në Prizren, Ymer Hoxha tha se ambientet e reja dhe puna që do të bëhët në këtë institucion, do të jetë më transparente dhe më efikase.
“Funksionalizimi i kësaj gjykate ,po realizohet në kuadër të reformave të cilat po jetësohen në gjyqësorin vendor”.
“Në këtë institucion pritet të ketë edhe më shumë gjyqtarë bashkëpunues,pasi që numri i vogël shihet si faktor i disa problemeve që e kanë përcjellur gjyqësinë jo vetëm në regjionin e Prizrenit”,transmeton TV Prizreni.
Në këtë aktivitet shumë të rinj të Suharekës kanë pasur rastin që të parashtrojnë pyetje për zyrtarët e Gjykatës Themelore të regjionin e Prizrenit, rreth funksionimit të mekanizmave të drejtësisë.