Komuna e Prizrenit sivjet do të ketë aktivitete të limituara në kuadër të festave të qershorit, përkatësisht përvjetorit të Lidhjes Shqiptare të Prizrenit më 10 qershor dhe Ditës së Çlirimit të Prizrenit më 12 qershor, transmeton PrizrenPress.
Në njoftim thuhet se për shkak të situatës së krijuar nga pandemia dhe me sugjerimet e Institutit Kombëtar të Shëndetësisë Publike, është vendosur që aktivitetet festive të parapara për këto data të mos organizohen.
Agjenda e aktiviteteve do të jetë kështu:
10:00 Homazhe tek shtatorja e Abdyl Frashërit, Sylejman Vokshit dhe Ymer Prizrenit në kompleksin e Lidhjes Shqiptare të Prizrenit
10:00 Homazhe tek varrezat e dëshmorëve në Landovicë
11:00 Vënia e gurthemelit për ndërtimin e memorialit të Komandant Drinit në Bazhdarhane (parku përballë Shtëpisë së Bardhë)