14.8 C
Prizren
E enjte, 29 Shtator, 2022

Peticionit të Muzeut e kërkesave të Institutit Arkeologjik nuk u përgjigjet askush

MuzeoKosovesNjë peticion me 33 nënshkrime, ministrit të Kulturës, Kujtim Shala, i ka mbërritur në zyrë qysh muajin e kaluar. Punonjësit e Muzeut të Kosovës të njëjtin peticion bashkë me kërkesën për zbatimin e Rregullores për gradimin dhe pagat e krijuesve dhe performuesve të kulturës dhe punonjësve profesionistë të trashëgimisë kulturore, e kanë nisur edhe në adresë të sekretarit të përgjithshëm të MKRS-së, Veton Firzi, në ditën e 15-të të muajit të kaluar.

Kërkojnë zbatimin e kësaj Rregulloreje në raport me pagat dhe statusin e vendit të punës, shkruan Koha Ditore.

Drejtori i Institutit Arkeologjik të Kosovës, Enver Rexha, thotë se nja katër a pesë herë ka bërë kërkesë për zbatimin e kësaj Rregulloreje.

“Disa herë i kam shkruar MKRS-së për nivelimin e pagave dhe kalimin nga pozita e shërbyesve civilë në punonjës profesionistë. Për këtë çështje është bërë kjo Rregullore”, ka thënë Rexha. Sipas tij asnjëherë nuk ka marrë përgjigje.

“Secilin vit i kam bërë nga dy-tri shkresa qysh kur është miratuar”, ka thënë Rexha për Rregulloren, e cila është në fuqi qysh në qershor të vitit 2011. Sipas Rregullores vendet e punës legalizohen pas një kërkese me shkrim dhe dëshmisë për tre vjet punë pa shkëputje.

Por ndryshe ka vepruar MKRS-ja.

Kryetari i Sindikatës së Pavarur të Punonjësve të Muzeut të Kosovës, Sadik Krasniqi, ka thënë se janë duke pritur për reagim pozitiv të udhëheqjes së re të MKRS-së.

Në shkurt të vitit të kaluar gazeta kishte raportuar se si dy punonjës të MK-së e kishin paditur MKRS-së duke konsideruar se janë duke u diskriminuar në pagë.

Më Shumë

Rusia nuk do të konkurrojë me asnjë fillm për në Oscars

Rusia nuk do të dorëzojë ndonjë film për të konkurruar në Oscars këtë vit, ka njoftuar Akademia Ruse e Filmit. Në një deklaratë, akademia nuk...

Kushaj (SBAShK): Qeveria ka kohë deri në janar për Ligjin për Paga (video)

(I plotësuar) Anëtari i këshillit grevist nga SBAShK-u, Reshit Kushaj, ka thënë se është anëtarësia e tyre ajo që vendosë se për cilën formë...

Lajmet e Fundit