Paul Poigba dëshiron të largohet nga Manchester United në afatin kalimtar të janarit, nëse Jose Mourinho vazhdon të jetë ende në stolin e “Djajve të Kuq”.
Marrëdhënia mes tyre, e përkeqësuar vitin e kaluar – duket se nuk po përmirësohet.
U mendua që pasi Mourinho ia dhuroi shiritin e kapitenit, Pogba do të qetësohet, ashtu si edhe vet portugezi, por një situatë e pa pritur ka rikthyer gjërat sërish në pikën zero.
Mbrëmë, pas eliminimit nga Kupa e Ligës, Mourinho zyrtarisht deklaroi se Pogba nuk do të jetë më kapiten i “Djajve të Kuq” dhe natyrisht kjo e ka irrituar mesfushorin francez, që kërkon menjëherë largimin.
Pogba, sipas Daily Mail, ka kërkuar nga agjenti i tij që të bëjë gjithçka për ta larguar nga “Old Trafford”.
Barcelona, Real Madridi dhe Juventusi – janë tri mundësitë e mëdha për kampionin e botës me Francën.
