-0.2 C
Prizren
E mërkurë, 29 Mars, 2023

Policia e Kosovës mobilizohet dhe niset në drejtim të Shqipërisë

Sot, në orët e hershme të mëngjesit Drejtoria e Përgjithshme e Policisë së Kosovës, ka mobilizuar njësitet e saja policore të cilat i ka nisur në drejtim të Republikës së Shqipërisë, për t’iu asistuar njësiteve emergjente të cilat janë të inkuadruara në operacionin e kërkim-shpëtimit, si pasojë e tërmetit të fuqishëm të ndodhur në disa lokacione të Shqipërisë.

Njësitet policore të PK-së, në përbërje prej njëqind e dhjetë (110) operatorëve të njësiteve të specializuara, të pajisura me pajisje të ndryshme logjistike, të cilat tanimë kanë kaluar kufirin e Kosovës, do të jenë në shërbim të autoriteteve të Shqipërisë dhe sipas nevojës emergjente do të operojnë në kërkim-shpëtim të banorëve që dyshohet se kanë mbetur nën gërmadha të objekteve të rrënuara.

Policia e Kosovës shpreh gatishmërinë e saj që të vejë në funksion të gjitha kapacitetet policore dhe logjistike, në përkrahje dhe mbështetje të autoriteteve të Shqipërisë dhe qytetarëve të saj, të prekur nga tërmeti i mëngjesit të sotëm.

Po ashtu Policia e Kosovës do të jetë në gjendje gatishmërie që sipas nevojës të angazhohet edhe në Kosovë, ku janë regjistruar disa tërmete të shkallës më të ulët.

Më Shumë

Avdiu pas dhunimit të së miturës në Suharekë: Kosova nuk është vend i sigurtë për gra

Analistja, Zana Avdiu ka reguar në lidhje me dhunimin e të miturës në Suharekë. Ajo përmes një postimi në Facebook, ka thënë se Kosova nuk është...

Haaland fiton 426 mijë euro në javë, City dëshiron t’ia rinovojë kontratën dhe ta bëjë lojtarin më të paguar në Angli

Manchester City dëshiron ta bëjë sulmuesin e tij Erling Haaland lojtarin më të paguar në Premier League duke i dhënë atij një pagë prej...

Një gazetar ideal

Lajmet e Fundit