Të premten, në orët e pasdites, hetues të policisë së Prizrenit e kanë shoqëruar një person për intervistë ngase ekzistonin informacione të besueshme se i njëjti posedonte një armë ilegale.
Drejtoria e Policisë Rajonale – Prizren ka thënë se gjatë intervistës, policia ka arritur që të mësonte se në vendin e punës ku punonte i dyshuari kishte edhe armë tjera përpos një pistolete CZ e kalibrit 7.65 mm e prodhimit jugosllav me 19 fishekë.
Njësite kundër mjeteve eksploduese të Policisë së Kosovës kanë kryer kontroll në një objekt komercial në fshatin Lubizhdë me ç’rast kanë gjetur tri granata dore të llojit M-57 të prodhimit jugosllav të cilat janë çaktivizuar./Gazeta Express/