Policia italiane ka arrestuar katër persona të kërkuar në lidhje me vjedhjen e një ore luksoze nga piloti i Ferrari-t në Formula 1, Charles Leclerc vitin e kaluar.
Përmes një komunikate, policia ka bërë me dije se gjatë bastisjes në shtëpinë e njërit prej të dyshuarve kanë gjetur dy “orë me vlerë, prejardhja e të cilave do të hetohet më tej”.
Leclerc, i cili është nga Monte Carlo, iu vodh ora ekskluzive Richard Mille nga kyçi i dorës në vendpushimin bregdetar italian të Viareggio prillin e kaluar.
Vjedhja ndodhi kur drejtuesit të Formula 1 iu afruan dy persona të veshur me helmeta motorrike, të cilët i kërkuan një selfie.
Sakaq, një burim hetimor për “Reuters” ka thënë se nuk ishte ende e mundur të thuhet nëse ndonjëra nga orët e gjetura ishte ajo e vjedhur nga Leclerc. Albanian Post