Policia e Kosovës ka konfirmuar se në fshatin Grajqevc të Suharekës është gjuajtur me armë zjarri gjatë një tubimi të Partisë Demokratike të Kosovës ditën e enjte.
KOHA kishte publikuar dje një video ku dëgjoheshin të shtëna me armë gjatë tubimit të PDK-së në Suharekë.
Ndërkohë në raportin e Policisë thuhet se është bastisë shtëpia dhe aty janë gjetur dhe konfirskuar gëzhoja armësh të kalibrave të ndryshëm.
“Njësiti i hetuesisë ka arritur të sigurojë informata dhe bazuar në një video ku dëgjoheshin krisma nga armë e zjarrit, është arritur të gjendet lokacioni ku është bastisë shtëpia, aty janë gjetur dhe konfiskuar gëzhoja armësh të kalibrash të ndryshme”, thuhet në raportin e Policisë.
Nuk raportohet për të arrestuar ndërkaq me vendim të prokurorit rasti shkon në procedurë të rregullt.