Pornostarja italiane Sara Tommasi pohon se ka marrë pjesë në festat e nxehta të organizuara në vilat e Berluskonit, ku ka kryer marrëdhënie seksuale me ish-kryeministrin.
Por aktorja thotë se ka bërë gjithçka me dëshirë dhe nuk është paguar për të qëndruar me Berluskonin.
“Kam qenë në një festë në Arcore në vitin 2009 dhe kam patur raporte me Silvio Berluskoni. Nuk ishte marrëdhënie me pagesë, por kam marrë disa dhurata.”- mësohet të jetë shprehur Tommasi, e cila ka pohuar gjithashtu se ka patur një lidhje intime edhe me vëllain e ish-kryeministrit italian, Paolo Berluskoni.
Për prezencën e Sara Tommasit në festat e Berluskonit është folur edhe në vitin 2011, kur prokuroria e Napolit ngriti dyshime për përfshirjen e saj në një rrjet prostitucioni.