19.8 C
Prizren
E martë, 17 Qershor, 2025

Pozitë e opozitë synojnë kryesuesin e ri të Kuvendit në Prizren

Kuvendarët e Prizrenit janë përshëndetur me kryesuesin e Kuvendit.

E kanë falënderuar për bashkëpunimin që ka treguar gjatë dy viteve të punës së tij.

Kryesuesi i Kuvendit të Prizrenit, Artan Abrashi, në zgjedhjet e 6 tetorit ka arritur të zgjedhet deputet i Kuvendit të Kosovës.

Ai, është përshëndetur me kuvendarët, edhe pse pas rinumërimit të votave dhe shtyrjes së certifikimit të zgjedhjeve mund ta mbajë edhe një seancë të Kuvendit.

Partitë politike po planifikojnë zëvendësimin e Abrashit.

Përveç partive në koalicion, këtë post e synon edhe opozita.

Koalicioni VV-LDK nuk i ka numrat e mjaftueshëm për të zgjedhur kryesuesin e ri, pas prishjes së koalicionit me Nismën.

Artan Abrashi, i cili është edhe kryetar i Vetëvendosjes në Prizren tha se ende nuk është diskutuar emri që do të zëvendësojë atë.

“Jo nuk kemi diskutuar ende për këtë çështje”, tha ai për “PrizrenPress”.

Abrashi beson se kryesuesi i ri do të jetë nga Vetëvendosje.

“Besoj se i kemi numrat e mjaftueshme “, tha ai.

Partia Demokratike e Kosovës(PDK) në Prizren ka diskutuar për garën e zgjedhjes së kryesuesit të Kuvendit.

Ky subjekt politik në Kuvend përfaqësohet me numrin më të madh të kuvendarëve.

Shefi i tyre, Simir Krasniqi konfirmon se në parti është diskutuar çështje e zgjedhjes së kryesuesit të ri të Kuvendit.

“Në parti është diskutuar, por ne kuvendarët nuk e kemi diskutuar ende”, tha ai.

Sipas tij, në ditët e ardhshme do të diskutohet edhe me partitë tjera opozitare.

“Do të diskutojmë me AAK-në dhe Nismën”, tregon Krasniqi./PrizrenPress.com/

 

Më Shumë

Deputetët dështojnë edhe sot, as 31 tentime s’u mjaftojnë për konstituim të Parlamentit

Deputetët e betuar edhe sot dështuan ta konstituojnë përbërjen e re të Parlamentit. Ata u mblodhën edhe sot shkurt, por nuk gjetën zgjidhje, transmeton Klankosova.tv Seanca...

Aksion në lokalet e natës në Prizren/ Arrestohen pesë persona, sekuestrohen armë dhe thika

Një operacion i planifikuar nga Policia e Kosovës në Prizren, në bashkëpunim me Prokurorinë Themelore, ka rezultuar me arrestimin e pesë personave dhe sekuestrimin...

Lajmet e Fundit