Adrian Çollaku
Presidentja e Kosovës, Atifete Jahjaga duket se ende nuk ka arritur që ta kuptojë se çfarë roli ka. E mbetur thuajse totalisht nën hijen e zarfit, tash e tre vjet, ajo ende nuk arriti që të dal nga ai zarf i ish- ambasadorit amerikan, Dell.
Tash ajo e ka momentin, madje këto dy-tri ditë i ka vendimtare që të dalë përfundimisht nga zarfi dhe të tregoj se pse është në krye të shtetit.
Atifete Jahjaga për disa muaj rresht u ankua se partitë duhet të japin propozime konkrete se si mund të tejkalohet situata politikr në të cilën është katandisur aq keq vendi.
Mirëpo, tash pas një muaji u mor vesh se paska pasur madje, edhe propozime konkrete.
Dhe për më tepër, këto propozime u bën edhe realitet. Blloku LDK- AAK- Nisma dhe Vetëvendosje hoqën dorë nga posti i kryetarit të Kuvendit, dukei hapur kështu rrugën edhe konstituimit të Kuvendit, ashtu siç edhe vendosi Gjykata Kushtetuese pas kërkesës së PDK-së për çështjen e kryetarit të Kuvendit.
“Topi” tash pas këtij veprimi ra në terrenin e PDK-së dhe të presidentes së vendit.
PDK dhe Flora Brovina edhe publikisht deklaruan se nuk do të thërrasin seancën konstituive pa pasur marrëveshje edhe për qeverinë. Pra, ky qëndrim i PDK-së është shumë i qartë- s’ka as Kuvend pa ia dhënë atyre edhe qeverinë.
PDK dhe Flora Brovina me këto qëndrime pos që po e bllokojnë vendin, po e shkelin edhe Kushtetutën dhe nuk po e respektojnë as vendimin e Gjykatës Kushtetuese.
Dhe pas këtyre qëndrimeve, më nuk ka institucion tjetër, pos Presidentes së shtetit, që të veproj.
E para e vendit, pasi që refuzoj që ta dërgoj edhe njëherë çështjen e kryetarit të Kuvendit në Gjykatën Kushtetuese, për sqarime të mëtutjeshme, tani situatën e ka shumë të qartë. Pra, duhet qysh nesër të kërkoj nga Flora Brovina dhe PDK që të thërras seancën e Kuvendit, në mënyrë që të konstituohet organi më i lartë legjislativ në vend.
Në të kundërtën këtë duhet ta bëjë vetë, duke u thirrur në rolin e saj kushtetutes dhe në vendimin e Gjykatës Kushtetuese. Dhe menjëherë, po në atë moment që zgjedhet kryetari i Kuvendit të inicoj procedurat sipas Kushtetutës dhe vendimit të Gjykatës Kushtetuese për zgjedhjen e qeverisë.
Le ta nominon Hashim Thaçin, dhe nëse i ka numrat le ta bëj qeverinë. I ka dy javë kohë. Nëse s’i ka numrat, Jahjaga e ka para vetes Kushtetutën dhe verdiktin e Kushtetueses, dhe ta nominoj kandidatin tjetër që e ka shumicën, kushdo qoftë ai.
Sepse, në fund të fundit, për qytetarët dhe për vetë shtetin e Kosovës është shumë më e rëndësishme formimi më i shpejtë i institucioneve, e jo kalulimet e vetë Atifete Jahjagës, Flora Brovinës apo kujtdo tjetër.
Presidente mos prit edhe ndonjë reagim nga ambasadorja amerikane t’ju thotë edhe njëherë të gjithë mos e “dh… punën”.
Andaj, Presidente vepro e mos e … punën.