Një burrë nga Prizreni është dënuar me katër vjet heqje lirie, pasi më 06.09.2015 i dehur kishte shkaktuar aksident trafiku me ç’rast dy veta kanë humbur jetën dhe tre të tjerë ishin lënduar.
“Më 15.07.2016 trupi gjykues i Gjykatës Themelore të Prizrenit Departamenti i Krimeve të Rënda, shpalli aktgjykimin dënues në lëndën P.nr.240/15. ndaj të akuzuarit me inicialet R.S. nga Prizreni, për shkak të veprës penale ngasja në gjendje të paaftë apo të dehur nga neni 379 parag.4.të KP-së”, ka bërë të ditur Gjykata Themelore e Prizrenit përmes një komunikate për media, shkruan PrizrenPress.
“Të akuzuarit me inicialet R.S. i shqiptohet dënimi me burgim efektiv në kohëzgjatje prej (4) katër vitesh. Si dhe dënimi plotësues ndalimi i drejtimit të automjetit në kohëzgjatje prej dy vitesh”.
“Me datën 06.09.2015 rreth orës 03.15 minuta në magjistralen Prizren-Suharekë, i akuzuari drejtoi automjetin në gjendje të paaftë, nën ndikim të alkoolit me ç’rast pasoja e aksidentit rezulton me vdekjen e dy personave me inicialet F.B.dhe Z.M. ndërsa lëndime të rënda trupore kishin pësuar M.B; G.F.dhe XH.F.” /PrizrenPress.com/