Gjykata Themelore në Prizren ka marrë vendim që të mbajë në paraburgim Qerim Shalën nga Prizreni,i akuzuar për lëndim të lehtë trupor.
Zëdhënësja e Gjykatës, Afërdita Kicaj tha se Qerim Shala do të mbahet në paraburgim për 1 muaj.
“Gjatë kësaj kohe pritet që i pandehuri të dalë në gjykim para Departamentit të Përgjithshëm të Gjykatës Themelore”, tha Kicaj.
Gjyqtari i Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurit.
Shala u arrestua më datën 09.07.2014 nga ora 19.00.
“I pandehuri u akuzua për shkelje të Kodit Penal duke i shkaktuar lëndime të lehta trupore bashkëshortes, rrezikun se ai mund ta përsërisë veprën penale, pasi i njëjti është recidivist- përsëritës i veprës penale, në shkelje të Nenit 188 par.3. lidhur me pa.1 të KP-së, Gjykata i cakton paraburgim prej 1 muaji”./PrizrenPress.com/