Drejtori i Arsimit të Prizrenit, ka organizuar takim informues me administratorët lidhur me përgatitjet e organizimit të provimit Shtetëror të Maturës,
Drejtori Skender Susuri,ka kërkuar nga administratorët që të mobilizohen.
Ai, tha se ky provim është shumë i rëndësishëm për sistemin e arsimit.
Ndërkaq, Fehmi Hyseni, kryetar i Komisionit, tha se janë bërë të gjithë përgatitjet e nevojshme për mbarëvajtjen sa më të suksesshme të këtij testi.
Ai, njoftoi për disa ndryshime që janë paraparë në organizimin e provimit të maturës.
Në Prizren, pjesa e parë e testit do të mbahet me datën 30 maj, ndërsa e dyta me datën 7 qershor.
Këtij testi në Prizren , pritet t’i nënshtrohen 2774 maturantë .
Provimi i Maturës Shtetërore do të ketë 200 pyetje, ndërsa kalueshmëria do të jetë 40 për qind .
Përveç nxënësve, këtë herë as administratorëve nuk do t’ju lejohet të kenë telefon me vete gjatë mbajtjes së testit./TV Prizreni/